ڈاکٹرز طبی پیشے کا وقار اور عزت ہے،سیکرٹڑی صحت

ڈاکٹرز طبی پیشے کا وقار اور عزت ہے

سیکرٹری صحت

  ڈاکٹرز طبی پیشے کا وقار اور عزت ہے اور انہیں اس وقار کو  برقرار رکھنا چاہیے۔  اپنے اساتذہ اور سینئرز کا احترام کرنے کے ساتھ ساتھ اس ادارے کے نظم و ضبط پر بھی عمل کریں

یہ بات سیکرٹری صحت بلوچستان عبداللہ خان نے 

بولان میڈیکل کالج میں ایم بی بی ایس فرسٹ ایئر کے نئے

 طلباء کی استقبالیہ سے خطاب کرتے ہوئے کہی انہوں نے کہاکہ

بولان میڈیکل کوٸٹہ میں داخلے کے لیے ہونہار طلبہ سخت مقابلے کے بعد کامیاب ہوئے ہیں لیکن ایم بی بی ایس کی ڈگری اور اعلیٰ میڈیکل تعلیم کے حصول کے لیے محنت کا سفر جاری رکھنے کے لیے سخت محنت کرنا ہوگی

 بولان میڈیکل کالج پاکستان کے بہترین اور معتبر طبی اداروں میں سے ایک ہے جس میں بہترین فیکلٹی ٹیچنگ ہسپتالوں اور دیگر تحقیقی سہولیات ہیں

 وہ طلباء بہت خوش قسمت ہیں جنہوں نے سرکاری میڈیکل ادارے میں ایم بی بی ایس میں داخلہ حاصل کیا کیونکہ پرائیویٹ میڈیکل اداروں میں میڈیکل کی تعلیم بہت مہنگی تھی اور اکثر والدین پرائیویٹ میڈیکل کالجوں کے اخراجات برداشت نہیں کر سکتے

 سیکرٹری صحت  نے نئے آنے والے طلباء سے تعلیم کے دوران اور بعد میں اپنی پیشہ وارانہ ذمہ داریاں پوری ایمانداری، اچھی توجہ اور عزم کے ساتھ سرانجام دینے کی ہدایت کی

 تقریب میں نئے طلباء نے اپنے والدین کے ساتھ شرکت کی جنہوں نے داخلہ ٹیسٹ کوالیفائی کرنے کے بعد داخلہ لیا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

  واٸس چانسلر بولان یونیورسٹی کو میڈیکل اینڈ ہیلتھ ساٸنسز پروفیسر ڈاکٹر شبیر احمد لہڑی ، پرنسپل بولان میڈیکل کالج ڈاکٹر راز محمد کاکڑ  نے طلباء کو خوش آمدید کہا اور انہیں میڈیکل ایجوکیشن کے ہدف کے حصول پر مبارکباد دی۔۔

۔۔ واٸس چانسلر بولان یونیورسٹی کو میڈیکل اینڈ ہیلتھ ساٸنسز پروفیسر ڈاکٹر شبیر احمد لہڑی نے اس موقع پر اپنے خطاب میں کہا کہ

میڈیکل تعلیم کا ماڈیولر نظام دنیا بھر کی کئی یونیورسٹیوں  بشمول میڈیکل یونیورسٹیوں میں تیزی سے مقبول ہو رہا ہے۔

بولان میڈیکل کالج کاشمار ملک کے مایہ ناز میڈیکل کالجوں میں ہوتا ہے بولان میڈیکل کالج سے فارغ التحصیل ڈاکٹرز نے ناصرف 

ملکی بلکہ بین الاقوامی سطح پر بھی طبی میدان میں کالج اور صوبے کا نام روشن کیا ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پرنسپل بولان میڈیکل کالج ڈاکٹر راز محمد کاکڑ 

بولان میڈیکل کالج میں ماڈیولر سسٹم کے نفاذ سے صوبے میں میڈیکل کی تعلیم کے معیار ناصرف اضافہ ہوگا بلکہ جدیدطبی تعلیم سے مستفید ہوسکے گے ۔

اس موقع پر  پروفیسر ڈاکٹر حنیف مینگل ، پروفیسر ڈاکٹر نصر اللہ مینگل، پروفیسر ڈاکٹر فریدہ کاکڑ ، پروفیسر ڈاکٹر روف شاہ ، اسٹاف آفیسر سیکرٹری صحت شوکت بلوچ اور دیگر فیکلٹی ممبران بھی موجود تھے